Bye! Bye! Mika

Ang dami sigurong Pilipinong nagdiwang ng mavote-out si Mika sa tribal council ng Survivor Philippines Palau. Siyempre natuwa rin ako. At tuwang-tuwa rin ang mga jury. Nawala na ang leader ng pautakan at trayduran.

Natural na kasi sa mga Pilipino ang maging maawain at ayaw sa mga taong mapanlamang. Since game lang naman yun naiintindihan ko naman kung bakit ganun sina Mika at Amanda. Kaya lang parang sila ang nadiin dun sa mga taong nagpapa-ikot ng kapwa nila castaways. Pareho silang magaling ni Amanda physically at mentally.

Kaya lang kung ikaw naman si Jeff ibibigay mo na lang ba sa kanila ang panalo? Bakit nga naman magtitiyaga ka sa top 3 kung pwede kang maging top 2 or champion.

Wrong move para kay Amanda ang piliin si Mika sa dalawang pagkakataon para isama sa mga reward escapades niya. Masyado yata silang naging kampante na parati na lang susunod sa kanila si Jef. Ayun tuloy ang nangyari, nagselos yung isa at parang napatunayan niya na hindi siya mahalaga sa dalawang babae. Kooperasyon lang niya ang mahalaga. May ganun ba? Pwedeng ivote-out ang ibang castaway pero sina Mika at Amanda di pwede? Kaya sila nagagalit kasi di sila dapat matanggal. Hindi rin naman daw deserving si Jef na manalo sa game dahil parang walang effort lagi kung maglaro. Pero kasalanan ba naman ni Jef kung di siya tinatanggal sa laro? Umabot siya ng top 5 dahil feeling ng magagaling hindi siya threat sa labanan.

May utang na loob siya kay Mika dahil sa pagtulong nito sa kanya sa huling immunity challenge, pero hindi naman yata dahilan yun para ipaubaya sa kanila ang panalo. At sa ginawang aksyon nina Mika at Amanda sa kanya na sinumbatan siya at hinaras-haras emotionally lalo lang naniwala si Jef na hindi na sila dapat pang manatili sa game.

Sa opinyon ko lang kung mananalo si Amanda sa huling immunity challenge may laban naman siya kay Justine. Kung di siya mananalo sa immunity Bye! Bye! Amanda na rin for sure.

Facebook Addiction

Bakit nga kaya sobrang click ang Facebook ngayon? Napag-iiwanan na ang Friendster. Siguro dahil sa mga games na kinahuhumalingan hindi lang ng mga bata kundi pati na ng matatanda. Idagdag pa chat nila. May mga kakilala akong mga bata na parang tuwa-tuwa kapag kinakausap ko sila sa chat ng Facebook.

Dati-rati ako lang ang gumagamit ng Facebook sa bahay. Gumawa ako ng account dahil sa mga nababasa ko maganda raw itong gamitin sa pag-expose ng mga ads. As we are in online business, sinubukan ko ito. Unfortunately wala pa namang feedback na nagkaron ako ng buyer sa site na ito. Pero bilib ako sa dami ng gumagamit ng Facebook. Ngayon pati asawa at anak ko nag-facebook na rin. Nag-umpisa ito ng magtext ang ninong ng anak ko sa mister ko at tanungin kung may facebook account ba siya. Nagpapa-add kasi si ninong. Meron daw kasi siyang Farmville. Ngayon ang nangyari hinahabol ng mister ko ang Farmville ng kumpare niya. Naging madalas ang paglalaro namin para bumilis ang level up. Pati mga customer namin sa bahay panay ang tanong kung may facebook ba para dumami agad ang friends.

Ngayon ang epekto ng Facebook sa amin naging abala na sa trabaho. Sa halip na mag-update ng ads nang-aagaw na ng oras ang facebook. Pati oras ng pag harvest sa Farmville or pag-ahon ng mga nilutong pagkain sa Cafe World kasama na sa minomonitor namin. Adik na! Madalas ding madaling-araw na kung matulog kaming mag-asawa. At napabayaan na rin ang pag-aaral ng anak ko.

As of now unti-unti ko na itong binabago. Masarap maglaro pero di natin dapat pabayaan ang mga dati na nating gawain lalo na kung nakakasama na ito sa pamumuhay.