Bagyo! Baha! Bagyo!

Hindi pa nga nakakarekober ang mga tao sa nagdaang bagyong "Ondoy" heto at meron na namang bagyong "Pepeng" at meron pang isang parating na bagyo. Paano na lang kaya makakabangon ang mga ordinaryong Pilipino? Ito na yata talaga ang umpisa ng tinatawag nilang Global Warming.

Ang Laguna Bay hanggang ngayon di pa rin bumaba ang tubig at may posibilidad pa itong madagdagan kung patuloy ang pagdating ng mga bagyo. Ayon nga sa balita ang baha sa ibang parte ng Laguna ay maaaring tumagal hanggang pasko.

Nakita ko ang kahabaan ng ilog sa Marikina. Nagulat ako na ganon pala talaga kalala at kadami ang naapektuhan ng nagdaang bagyong Ondoy. Mula sa bundok ng Rizal patungo sa Bulacan at Pampanga. Ang magkabilang gilid ng ilog talagang lubhang nasalanta kaya di natin masisi ng lubusan ang gobyerno tungkol sa rescue operations nila. Sa dami ng biktima imposibleng matugunan nila lahat.

Sa nagdaang kalamidad kitang-kita rin ang pagkakaisa ng mga Pilipino at ang pagkabayanihan. Panay-panay ang dating ng mga relief goods sa mga evacuation centers. Subalit hanggang saan kaya tatagal ang lahat ng ito kung panay din naman ang dating ng bagyo? Hindi kaya magsawa ang mga nagbibigay ng tulong? Ano kaya ang plano ng gobyerno natin para sa mga ganitong kalamidad sa ngayon. May sapat kayang pondo? (Sana meron).

Ang daming katanungan sa aking isip (lol). Malapit na ang eleksyon sana yung mga kandidato na gustong maging pangulo dito na lang ibuhos ang pondo, sa pagtulong sa mga nasalanta ng bagyo.